FAPanpan的空中日記

小吃貨PN出動:P

今次食既店係--大自然素食~

位於尖沙咀 美麗華商場既2樓2005號店~

提提你, 3點後下午茶 半價(握拳)

因為太趕入去食野 哈哈, 所以無影到店面:P

用個openrice既相先~

今次既素菜真係好特別!

本來係諗住去清清腸胃 哈哈...

因為大自然素食真係食特別菜...

佢連素雞素鵝素刺身都有 -_- 

蟹籽木瓜沙律

呢個好好味呀~ 蟹籽有D似肉鬆咁

再加埋D青瓜絲紫菜, 真係好甜好好味!

wasabi木耳~

呢個係清新菜:) 木耳好爽, 很不錯!

wasabi味唔會太強,但都食得出~

同埋份量好多! 抵食!

最最最愛!!!!!!

我覺得呢個真係必食!

牛油果多士!

首先牛油果係超有益喇~

再加上芝士同脆卜卜既法包

真係完全!!!好好味!!!!!!!!!!!!!!!!!!!!!!

同埋牛油果係完全好厚!

一咬落去勁香牛油果味~~~~ 

好幸福

另一大愛!!!!!

芋頭魚

本身PN係芋頭愛好者 哈哈

但呢個芋頭魚真係不得了

芋頭勁鬆勁軟! 超! 好! 味!

再點個個甜酸醬, 真係omg

我自己應該食左3分1條

大自然素食招牌 三式骨

其實 我覺得麻麻地

可能因為我唔鍾意食D又唔係肉又唔係素既野

係望落去既時候好似係肉, 食落去係唔知咩黎

嗯...同埋因為3樣都有炸過, 所以真係好油

係兩三舊就已經好飽好唔想食

同埋店既服務真係唔太好...

一黎叫野食既時候, 叫左10萬次...都無人理..-_-

二黎因為話說我地食唔哂, 想打包

個姐姐就勁惡咁話我地唔可以打包..

我都明白佢有例要跟, 但如果用好D態度....會好D囉...

下次就試下其他分店睇下好唔好D喇 :D

click here for more information!

大自然素食開飯喇

下次見喇~

PN♥